Рейтиң мына мәліметтер негізінде жасалды: БАҚ-та кореялық топтар туралы айтылу немесе жазылу жиілігі, танымалдығы, көпшілікпен қарқынды байланысы. Деректер 2020 жылғы 23 желтоқсан мен 2021 жылғы 23 қаңтар аралығында жиналды.
BTS тобы 15 664 084 брендтік бедел индексімен рейтиңнің бас жүлдесін алды. Топқа қатысты жиі қолданылатын кілт сөздер мен тіркестер: «Golden Disc», «Billboard» және «TikTok».
Екінші орынға BLACKPINK жайғасты. Топтың бренд беделінің индексі 11 865 603 құрады. Бұл өткен айдың көрсеткішімен салыстырғанда 41,23 пайызға көп.
Twice тобының брендтік бедел индексі желтоқсаннан бері 62,94 пайызға өсіп, үшінші орынға көтерілген. Топтың қаңтар айындағы жалпы индексі 9 248 874 құрады.
