Жақында “Мудрец” альбомын жарыққа шығарған Jah Khalib былтыр үйленіпті. Бұл туралы Apple music-ке берген сұхбатында айтты.
“Жеке мен үшін 2020 жыл нәтижелі болды. Бір жыл бойы студияда болдым. Музыкалық қабілеттерімді шыңдап, өзімді дамытумен айналыстым. Студия жұмысындағы шеберлігімді арттырдым. Отбасын құрдым”, — деді ол сұхбат барысында.
Белгілі болғандай, Бахтияр Мамедов 2020 жылғы жазда үйленіпті. Бірақ әнші жеке өмірін құпия қылып қалдырмақ. “Бізде бәрі жақсы, тек көз тие ме деп қорқамын”, — дейді ол.
Сонымен қатар, “Я не прощу” әнінің екінші партиясын Jah Khalib-тың әйелі орындапты. Рэпер жаңа альбомындағы әр әні өзінің бастан кешкен оқиғасы екенін айтты.