Сериал Хәрри Поттердің қай өмірлік кезеңін қамтитыны, кімдер түсетіні, сондай-ақ, түсірілім мен шығу уақыты әлі белгісіз. Әзірге платформа басшылығы сценаристермен, актерлармен кездесіп, жобаның детальдарын айқындау үстінде.
Платформа WarnerMedia қолдауымен жұмыс істейді. Екі компания да жаңа блокбастерді түсіруге мүдделі екен, бірақ алдымен олар Хәрри Поттердің авторымен келісуі керек. Себебі бұған дейін Роулиң «сериал шығуы мүмкін бе?» деген сұраққа бірден «жоқ» деп жауап беретін.
Сондай-ақ, сериал авторлары «Аман қалған баланың» рөлін Дэниел Рэдклифф қайтадан өзі сомдағанын қалайтынын айтты. Бірақ британиялық актердің бұған өз шарты бар екен. Ол «Джоан Роулиңмен бір алаңда жұмыс істемеймін» деп мәлімдеген. Себебі Поттериана авторының трансгендерлерге қатысты жазған сын-пікірі Дэниелдің көңілін қалдырыпты.