Voice of America жаңалықтар бюросының басшысы Стив Герман Ақ үйге сілтеме жасай отырып, «Бүгін Президент Байден АҚШ Қарулы Күштерінде қызмет етуге жарамды деп танылған барлық америкалықтар қызмет ете алатын саясатты белгілейтін атқарушы Жарлыққа қол қойды», — деді.
Жарлық 2018 жылғы 23 наурыз бен 2017 жылғы 25 тамыздағы президенттік меморандумдардың күшін жояды. Бұл құжаттар АҚШ әскерінде трансгендерлердің қызмет етуіне тыйым салған болатын.
Бұған дейін Байден Денсаулық сақтау министрінің көмекшісі ретінде Рейчел Левинді тағайындайтыны туралы хабарланды. Рейчел — тумасы ер, болмысы әйел адам. Осылайша, ол Сенатта расталған федералды лауазымға тағайындалған алғашқы трансгендер атанды.