Ұлыбритания патшайымының үйінде «аспазшылардың бүкіл штаты бар», әйтпесе, «үй қызметшілері, бағбандар мен сарай қызметшілері көп» деген жаңалықтармен ешкімді таңқалдыра алмайсың. Алайда корольдік отбасының ресми сайтындағы жаңа жарияланған хабарлама көптің назарын аударды: “Букингем сарайына сандық байланыс маманы қажет!”
Үміткерлерге қойылатын басты талап — олар жасайтын контентті миллиондаған адам көретінін түсіну. Сондай-ақ, әлеуметтік желілердегі монархтардың ресми аккаунттарымен айналысып, олардың өмірінде болып жатқан оқиғаларды уақытылы жария ету. Жаңа қызметкер аптасына 37,5 сағат — дүйсенбіден жұмаға дейін Букингем сарайында жұмыс істейді.
Идеал үміткердің тиісті білімі мен әлеуметтік медиа контент жасаудан тәжірибесі болуы керек. Табыс деңгейі (біліктілігіне байланысты) жылына шамамен £30,000 құрайды — 17 миллион теңге. SMM-менеджерге тиісті демалыс та беріледі: жылына 33 күн ресми түрде Instagram-ға мүлдем кірмеуге толық құқылы.