Nickelodeon ресейлік филиалы Tiktok-та 11 млн фоллоуері бар қазақстандық Bip House тиктокерлер үйін “Блогерлердің сүйікті үйі” номинациясына ұсынды. Қуанышты жаңалығын үміткерлер Instagram-дағы парақшасында бөлісіп, оқырмандарын дауыс беруге шақырды.
Посмотреть эту публикацию в Instagram
“Достар, сіздерге айтар жақсы жаңалығымыз бар! Nickelodeon_ru #КСА2021 бізді “блогерлердің сүйікті үйі” номинациясына ұсынды. ТМД-дағы сүйікті үй атану үшін бізге дауыс бере аласыз!
Біз ашылған сәттен бастап қажырлы еңбектің, әсіресе оқырман қолдауы мен сенімінің арқасында осындай ауқымды деңгейге қол жеткіздік. Сол үшін шексіз алғыс білдіреміз. Бірақ біз бағындыратын жетістіктер әлі алда екеніне сенімдіміз. Сондай биіктіктерге бірге жетейік! Бізге сіздің дауысыңыз өте қажет. BIO профильдегі сілтеме арқылы дауыс бере аласыз”, — деп жазды BIP House.