Онда поп-әншінің өмірі, мансап жолы, қарым-қатынасы, әкесі Джеймстің қызының өмірін қатты қадағалауы мен #FreeBritney қозғалысы туралы айтылады. Бұл қозғалыс былтыр қарқын алған: әншінің жанкүйерлері Бритни әкесінің тарапынан еркіндік қалайтынына сенімді. Сондықтан да әлеуметтік желілер арқылы көмек сұрап, белгі береді дейді. Оған назар аударып, көмектесуге шақырады.
Былтыр қарашада әнші әкесін қамқоршы мәртебесінен айыру үшін сот ісін қозғаған болатын. Бірақ, өкінішке қарай, Бритни жеңіліп қалды. Көптің пікірінше, әншінің психикалық проблемаларын сылтау еткен әкесі 12 жылдан астам уақыт бойы Бритнидің қаржысына қол сұғып, оның мансабы мен жеке өміріне қатысты шешім қабылдап келеді.
Осы тақырыптарды қозғайтын “Framing Britney Spears” деректі фильмін YouTube желісінен көруге болады.