Әйелдерге арналған киім, аяқ киім, аксессуарлар мен зергерлік бұйымдар шығаратын Fenty бренді сән сегменті нарығында екі жылдан бері бар.
Алайда, брендтің Instagram аккаунтындағы қызметі биылғы 1 қаңтарда тоқтап қалды, ресми сайттағы соңғы жарияланымдар былтыр қарашада жүктеліпті.
Конгломераттың ресми мәлімдемесінде: «Рианна мен LVMH бірлесіп шешім қабылдады. Еуропада орналасқан Fenty бредінің қызметін қиын жағдайлар орныққанша тоқтата тұрамыз», — делінген. Сатылымның көп бөлігі жүзеге асырылған брендтің сайты осы айдың соңында жабылады.
Бірақ, LVMH өкілдері мен әнші әріптестігін тоқтатпайды. Олар енді Рианнаның Fenty Beauty және Fenty Skin косметикалық желілері мен Savage x Fenty іш киімдер брендін дамытады.