Блогер Арман Юсупов instagram stories-те белгісіз біреулер көлігінің терезесін сындырып, ішіндегі сөмкесін ұрлап кеткенін айтты. Жайсыз оқиға 2018 жылы мәнерлеп сырғанаушы Денис Тен қайтыс болған жерден (Құрманғазы-Байсеитов көшелерінің қилысы) 50 метр қашықтықта болған.
Арман Юсупов сөмкесі ұрланып, көлігі сынғанына емес, Алматының қақ ортасында әлі күнге мұндай жағдайлар болып жатқанына алаңдаулы. Ол дәл осындай ұрлық олимпиада жүлдегері Денис Теннің өліміне алып келгенін еске салды.
Блогер Алматы әкімдігінің парақшасын белгілеп, бұл істі соңына дейін жеткізіп, осы көшеге бейнебақылау қойғызбайынша тыным таппайтынын айтты.