“МузАрт” тобының директоры Ерлан Жүнісбай Жамбыл облысы әкімдігінің мәдениет, архивтер және құжаттама басқармасына басшы болып тағайындалды, деп хабарлады облыс әкімінің орынбасары Ержан Жылқыбаев.
Бұл туралы Ерлан Жүнісбайдың өзі instagram парақшасында жазып, алдағы уақытта Жамбыл облысы мәдениетін көтеруге атсалысатынын айтты.
Посмотреть эту публикацию в Instagram
“Қадірлі достар, бауырлар! Кешелі бері айтылып, жазылып жатқан ақ тілектеріңізге рахмет. Мәдениет — өзім жақсы білетін сала. Алдағы уақытта Жамбыл облысының мәдениет саласын биік белестерге көтеру үшін барымды саламын. Қазір сөздің емес, істің заманы. Болашақта нәтижесіне қарап, бағасын өздеріңіз берерсіздер. Ниеттес, тілектес болған ағайынға мың алғыс!”, — деп жазды ол.
Айта кетсек, Ерлан Жүнісбай “МузАрт” тобы құрылғалы бері ұжымның арт-директор қызметін атқарып келген.