Кеше Филиппиндегі сымсыз байланыс қызметін жүзеге асыратын Smart Communications сандық қызмет провайдері YouTube арнасына жарнама ролик жүктеді. Онда былтырғы жылдың “үздігі” атанған дорама жұлдыздары Хен Бин мен Сон Е Джин түскен. Роликте Хен Биннің алдына Е Чжиннің виртуал нұсқасы келеді. Жігіт оған гүл ұсынғанда сұлу ару адамға айналады. Сондай-ақ, жарнамада екеуі түскен дорамадан (Аварийная посадка любви) фрагменттер көрсетіледі.
Айта кетейік, осы жылдың басында жұп романтикалық қарым-қатынасын растап, жанкүйерлерін қуантқан болатын.