Әулие Валентин күніне орай модель, суретші Арвида Бистрем Internet Shop брендімен коллаборация жасап, жұптарға арналған іш киім шығарды. Жоқ, «жұп» деп жігітіңіз екеуіңізді айтпайды — ұялы телефонды меңзеп тұр. Бистрем Instagram парақшасында жазғандай: «Бұл сіздің шынайы махаббатыңызға арналған».
Посмотреть эту публикацию в Instagram
Бірдей іш киім екі өлшемде тігіледі: бірін гаджет иесінің өзі кисе, екіншісімен телефонын сәндейді. Комплект құны — 69 евро (34 900 тг), онлайн сатып алуға болады.
Топтаманың слоганы: «Телефоныңызды әдемі іш киіммен таңғалдырыңыз». Арвиданың бұл эпатаж идеясын тұтынушылар әртүрлі қабылдады: бірі күліп, мазақ етсе, енді бірі “фотосессия жасауға керемет идея!” деп, тапсырыс беруге асықты.