“Ла Ла Ленд” фильмінің сүйкімді жұлдызын жағымсыз кейіпте елестету қиын. Дегенмен, жауыз ханымның рөліне болған кастиңнен дәл Эмма Стоун өтіп, енді Disney ұсынған “101 далматин” мультфильмі приквелінде иттерді ұрлайтын Круэлланы сомдайды.
Фильм Круэлла Де Вильдің жастық шағын баяндап, зұлым ханым тұлғасы қалай қалыптасқанын көрсетеді. Желісі бойынша ол 1970 жылдары Лондонда дизайнер болып жұмыс істеп, өзіне далматин иттердің терісінен тон тігіп алсам деп армандайды.
Фильм премьерасы биыл 28 мамырға жоспарланып отыр.