Әнші, актриса Сара Амангелді бір ай ішінде 15 келі тастағанын айтты. Мұндай қадамға баруына ұнатқан жігіті себеп болған. Аз уақыттың ішінде көп салмақ тастап, анорексия ауруына шалдыға жаздапты.
Бұл туралы әнші НТК телеарнасына берген сұхбатында айтып: “Осыдан сегіз жыл бұрын 16 жасымда мен ағылшын сабағына барып жүрген кезім. Сол жерде үнемі костюм-шалбармен жүретін, қасында күзетшілері бар, көлікпен жүретін бір сымбатты жігіт болған. Ал біз — автобуспен, оның үстіне сөмкемді асып алып, бала сияқты жүретінмін. Қыз сияқты белдемше кию жоқ, футбол ойнайтынмын. Жаңағы айтқан жігіт келгенде, қарап қалатынмын. Өзін ұстауы, мәдениеті кереметболатын. Онымен таныссам екен дейтінмін. Кейін араға уақыт салып, «Я люблю тебя» фильмі шықты. Сегіз айдан соң әлгі жігіт инстаграмыма өзі жазды. «Я люблю тебя» фильмін сегіз рет көрдім. Көріп, сізге сырттай ғашық болып қалдым”, — деді. Содан мені кездесуге шақырды, ол кезде мен 65 келі болып кеткенмін. Ол маған: “арықтасаң, ең әдемі қыз боласың”, — деді. Ол жерде жай ғана күліп отыра бергеніммен, үйге барып ренжідім”, — деді әнші.
Осы жағдайдан соң Сара бірден спортты қолға алған. Үш мезгіл жүгіріп, тамақ жеуін азайтқан. Әнші төрт күнге дейін ашыққан кезін еске түсірді. Мамандармен жұмыс жасауы арқасында анорексияға жеткізбестен, өз салмақ мөлшеріне түсіп үлгеріпті.