АҚШ-тың Майами қаласында өткен кәсіпқой бокс кешінде қазақстандық Қанат Ислам (27-0, 21 КО) эквадорлық “Жендет” лақап атымен танымал Джейсон Минданы (14-2-1, 8 КО) нокаутқа түсірді.
Бұл — 36 жастағы Қанат Исламның кәсіби мансабындағы 28-ші жеңісі. Спортшы 2019 жылғы қазаннан бастап рингке шықпапты. Джейсон Манда болса, мансабындағы төртінші жеңіліске ұшырады. Басында Ислам 33 жастағы ганалық Ободай Саимен жұдырықтасуы керек болған. Бірақ бокс кешіне санаулы күндер қалғанда қазақстандық боксшыға қарсы эквадорлық Джейсон Минда шығатыны анықталды.
Бұл бокс кешінде тағы бір қазақстандық жеңіске жетті. Нью-Йорктегі қазақ полицейі Димаш Ниязов пен қарсыласы арасындағы жекпе-жек алты раундтқа созылып, төрешілер бірауыздан жеңісті Ниязовқа берді.