Apple Samsung пен Huawei-ді басып озып, 2020 жылғы қорытынды бойынша смартфондардың әлемдік сатылымында көш бастады, деп жазады Financial Times, Gartner деректеріне сілтеме жасап. Соңғы рет компания осындай нәтижелерге бес жыл бұрын қол жеткізген.
Apple-дің сатылымының ілгері жылжуына iPhone 12 және iPhone 12 mini смартфондарының шығуы әсер еткен.
Зерттеу компаниясының мәліметінше, 2020 жылдың соңғы үш айында iPhone 12 сатылымға шыққаннан бері Apple Samsung-ты басып озып, 80 миллионға жуық смартфон сатқан.