Мұражай ғимараты бір тереземен және жалғыз затпен шектелген. Ол зат әр айда өзгеріп тұрады. Ақпанда ол шанышқы болса, наурызда — басқа тұрмыс заты: жұмсақ ойыншық, пластик шыны, полиэтилен пакет және т.б. Келесі айдың тақырыбы не болатыны мұражай сайтында алдын-ала хабарланады.
Идея авторлары — Алекс Ребола мен Анна Мария Андеверт есімді тарихшылар. Жоба мақсаты — үйді зерттелмеген заттарға толы этнографиялық мұражай ретінде көрсету. Гидтер келушілерге әр жаңа экспонат туралы егжей-тегжейлі түсіндіріп беруге дайын. Осылайша, күн сайын қолданатын үйреншікті заттардың қалай, қашан пайда болғаны туралы толығырақ білуге болады.