Танымал әнші Жазира Байырбекова желіде көмек сұрайтындар көбейіп кеткенін айтты. Бір күнде парақшасына 40-50 шақты хат келеді екен. Бірнеше жыл бұрын сондай мұқтаж отбасыларға хабарласып, мән-жайды білген соң ұйқысы қашып, ауырып қала бергені жайлы айтты. Қазір денсаулығын сақтау үшін мұндай хаттарға мән бермеуге тырысады екен.
Посмотреть эту публикацию в Instagram
Желіде бөліскен жазбасында әнші былай деді: “Біреуі ұрсып сұрайды, біреуі қарғап сұрады, біреуі жалынып сұрайды, біреуі шын мұқтаж, біреуі алдап сұрайды, біреуі міндеттісің деп мәжбүрлегісі келіп тістелеп сұрайды. Қазақтың тең жартысы қайыршыға айналып бара жатқандай көрінеді. НЕГЕ? Басқа елдерде солай ма екен?! Әлеуметтік желіге кіре алмайтын, кіруге ақшасы да, уақыты да жоқ жандар қаншама. Қайырымдылықты кімге, қай кезде жасайтынын әр адам өзі шешеді. Мен инстадағы көмек сұраған хаттарды оқымаймын енді. Арнайы қайырымдылық қорына жазыңыздар”.