Әнші, тележүргізуші Гүлнұр Оразымбетова қоғамның бар талабына сәйкес келсең де, жұрттың кінә тағатын себебі не деп сауалданды. Instagram-ға жүктеген жазбасында әртіс отбасылық өмірде туындайтын қиындықтарға тоқталды. Жанұяны сақтаудың қағидаларын бөлісіп, әйел өз орнын білуі керек қорытындылады.
“Өмірден өз орнын тауып бақытты өмір сүріп, жұмысын шыр көбелектей айналып жүрсе де кінәлауды жөн санайды. Неге? Одан да қамшының сабындай ғана ғұмырда жаманыңды жасырып, жақсыңды асыруға уақыт жұмсасақ деймін де. Менің марқұм енем айтып отырушы еді: “Байлар да жылайды”, — деп. Үй болған соң ыдыс-аяқ сылдырламай тұрмайды. Бәрімізде жетеді проблема. Жатып алып жылап, негативті шашқанан ештеңе өнбейді. Отбасы болған соң үйде бір адам басшы болуы керек. Тәртіп, тәрбие содан басталады. Не болса да, әйел өзінің орнын, сөйлеген сөзін білгені дұрыс. Жағаласудың дым қажеті жоқ. Бұл тек өз ойым. Қанша жерден жолдасым еркелетсе де, бәрі ретімен екенін естен шығармаймын”, — деді Гүлнұр.