“Ұлытау” этно-рок стиліндегі музыкалық топ Лос-Анжелесте өткен әлемдік Djooky Music Awards сайысының бас жүлдесін жеңіп алды. Бұл туралы жүлдегерлер Instagram парақшасында хабарлады.
“Бұл, әрине, бізге қолдау көрсетіп, дауыс берген қазақ елі сіздердің қолдауларыңыздың арқасы. Қиындығына қарамай дауыс берген жанашырларымызға басымызды иіп, алғыс білдіреміз. Қазақтың туы биікте қалқысын, домбырамыздың үні әлемде шалқысын”, — деп жазды топ желіде.
Посмотреть эту публикацию в Instagram
Айта кетсек, “Ұлытау” тобы Djooky Music Awards сайысына былтырғы қараша айында қатысып, бірінші турдан өткен бойда, гранд финалға бірден жолдама алған. Ал 27-28 ақпанда финалға қатысып, дауыс беру нәтижесінде жеңімпаз атанды.