Counter Strike:Global Offensive ойынынан ресейлік Gambit командасының көшбасшысы Абай Hobbit Хасенов HLTB беделді порталының рейтиңінде көш бастады, деп хабарлайды Vesti.kz.
28 ақпанда Хасенов командасымен миллион доллар жүлде қоры бар IEM Katowice 2021 турнирін жеңіп алған болатын. Финалда “гамбиттер” тағы бір қазақстандық Virtus.pro құрамасына қарсы шығып, жеңіске жетті. Бұл матчта Хасенов ең көп ұпай жинап, үздік атанған.
Кибер ойыншының өзі 14 көрсеткіш бойынша топ-бестікке кіріп отыр. Сондай-ақ, ол бір раундта ең көп ұпай жинағандардың тізімінде бірінші орында. Жеке көрсеткіші — 53.9%.
Hobbit өзінің кәсіби мансабын 20 жасында бастаған, бұл eSports стандарты бойынша өте кеш болып есептеледі. Дегенмен, бес жыл ішінде Хасенов Tengri, Winstrike, Hell Raisers және Gambit командаларында ойнап, көптеген беделді турнирлерді жеңіп алған.