Танымал комик Саша Барон Коэн өз сұхбатында Қазақстанға келмек ойы барын айтты.
“Борат 2” фильмі “Алтын глобус” премиясының екі санаты бойынша жеңімпаз атанды. Сонда АҚШ-тағы қазақ диаспорасы “Алтын глобус” басшылығына Коэннің нәсілшілдікті насихаттайтын фильмін тізімнен алып тастауын сұраған болатын. “Борат 2”-нің авторы болса, бұл жаңалыққа күліп, қалжыңға айналдыра салған.
Жақында Коэн ресейлік “Известия” газетіне берген сұхбатында Қазақстанға келмек ойы барын айтты.
“Маған Қазақстан халқын әзіл түсінетін ел деп айтқан. Егер Қазақстанға шақырса, қуана-қуана барамын”, — деді Саша Барон.
“Қазақстанға барғанда, сізді осы фильм үшін айтыптап, сотқа тартса, не істейсіз?” деген сұраққа респондент: “Айыпталушы болу — сатирик жұмысының қалыпты бөлігі. Қалай болғанда да, мұндай талапты ешбір сот қабылдамайды, себебі кез келген елдің заңына сәйкес, сатириктер сотталмайды. Біздің кәсібіміз — сатира жасау. Оны да заң аясында істейміз. . Салық төлейміз. Сол үшін де сот процесінен қорықпаймын. Керісінше, біреудің сезімін қорлағаным үшін жауапқа тартқан сайын, фильм де соғұрлым сәтті боларын білемін”, — деді сатирик.
Сұхбат барысында Саша Барон: Мені актер деп кім айтты? Мен — сайқымазақпын. Мамандығым — сендіру мен алдау”, — деді.