2018 жылғы Олимпиаданың қола жүлдегері Юлия Галышева Алматыда өткен фристайл-могулдан әлем чемпионатында күміс иеленді. Ерлер арасында болса, қазақстандық Павел Колмаков қола жүлдеге ие болды.
Жарыс финалында Галышева 79,52 ұпай жинап, екінші орынға табан тіреді. Бірінші орынды Олимпиада чемпионы, әлем кубогі кезеңдерінің көшбасшысы, француз әйел Перрин Лаффон (82,11) жеңіп алды, үздік үштікті аз ғана ұпай айырмашылығымен ресейлік Анастасия Смирнова (79,41) толықтырды.
Ерлер арасында қазақстандық Павел Колмаков 82,23 ұпаймен үшінші орын, Дмитрий Рейхерд 78,47 ұпаймен 5 орын иемденді.