Әлемдегі ең бай бизнесмендердің көшін бастаған Tesla және Space X компанияларының негізін қалаушы Илон Маск биылғы мамырда қазақстандық студенттермен онлайн кездеспек. Бұл туралы Еуропалық экономика және бизнес жоғары колледжінің құрылтайшысы Талғат Төремұратов facebook парақшасында хабарлады.
“Илон Масктың менеджерімен ұзақ уақыт келіссөзден кейін SpaceX, Tesla компанияларының негізін қалаушы, бас директоры және бас инженері Қазақстан колледждерінің студенттеріне арналған ZOOM платформасында өтетін кездесуге келісті”, — деп жазды Талғат Төремұратов.
Кездесу 1 мамырға жоспарланып отыр. Төремұратов бұл туралы міндетті түрде ҚР Білім және ғылым министрлігін ескертетінін мәлімдеді.