Әнші Ақбота Керімбекова әртістердің қиын өмірі туралы жан сырын ақтарды. Желіге жариялаған жазбасында Керімбекова жұлдыздар халық сынына бірінші болып ұшырайтынын айтты. Сондай-ақ, әріптестерінен парақшасын базарға, сән көрсету алаңына айналдырмауын сұрады.
Посмотреть эту публикацию в Instagram
“Өнер адамдарының жөні бөлек, жолы ауыр келеді. Бұл тұжырымға қарап әртістер өз жүрегін өздері көтере алмай жүр екен демеңіз! Әр әнші өз мұңын өзі арқалап, ғанибетке үміт артып ғұмыр кешіп жүр, әйтеуір. Бірінші атылатын оқ әншіге тиеді, бірінші лақтыратын тас әртіске тиеді. Олай болуына себепте бар шығар! Жаны ірі, рухы өр әріптестерім бұған мүжілмеуі керек деп ойлаймын! Әркім өзінің кім екенін сезінуі, білуі керек тек! Әлеуметтік желі — парақша иесінің айнасы! Оны әнші әріптестерім базарға немесе сән көрсететін алаңға айналдырмау керек! Кей отандастырымыздың жеке өмірді талқылай отырып, желкеге отырып алуы және ол әдетке ашынған әртісті жетесіз көруі сол кетіп жатқан кемшіліктерден шығар, бәлкім! Бұл да “бір кем дүние!”, -деді Ақбота.
Бұл жазбасына оқырмандары: “Жақсы әнші есебінде қабылдаймын сізді”, “Бота, сіз өзгелерге қарағанда ерекшесіз”, “Әлеуметтік желіні дұрыс пайдалану керек. Болмайтын сән көрсеткендерінен кеткен бос уақыт”, “Жақсы көреміз сізді, аман болыңыз” — деп пікір жазды.