Қазақстандық рэпер Say Mo-ның Gakku арнасындағы Su jaña атты жаңа жобасында “Woman” әнінің премьерасы өтті. Туынды 12 наурызда ресми түрде барлық музыкалық платформада жарияланбақ.
Gakku арнасына берген сұхбатында Say Mo бұрын абьюз қарым-қатынаста болғанын және одан құтылғанына қуанатынын айтты. Жаңа әні сол туралы екен.
“Woman” әні арқылы Say Mo қыздарды абьюз қарым-қатынасқа көнбеуге, үнсіз қалмауға шақырды. Рэпер тұрмыстық зорлық-зомбылық болған жағдайда өзіңді кінәламау керегін айтып өтті.