2021 жылғы маусымнан бастап Google АҚШ-тан тыс жерде орналасқан YouTube блогерлердің кірісінен салық ұстап тұруды жоспарлап отыр, деп хабарлайды daily.afisha.ru.
Видеоны АҚШ тұрғындары тамашалағаны үшін блогерлерден салық төлеу талап етіледі. Бұл салық жарнама, YouTube Premium қызметі, суперчат және демеушіліктен табыс табатын блогерлерге қатысты қолданылмақ.
Мамырдың соңына дейін блогерлер YouTube жарнамасына жауапты AdSense компаниясына салық ақпаратын ұсынуы керек.
Салық мөлшері елдер арасындағы келісімшартқа байланысты 0-ден 30% — ға дейінгі аралықта болады.