17 наурыз бен 17 сәуір аралығында Дубайда қазақстандық суретші Әділ Әубекеровтің “Әлем секілді сызық: өткен мен болашақтың арасында» (Линия как Вселенная: между прошлым и будущим) көрмесі өтеді.
Әубекеровтың шығармалары Орта Азия аймағының мәдени кодының алуан түрлілігін көрсететін эпикалық графикадан тұрады. Осы көрме аясында суретші бірнеше ел мен мәдениеттің пайда болуын, өркениеттің, өнер мен стильдің өзгеруін, үңгірлердің суретінен бастап замануи граффитиге дейінгі туындыларын көрсетеді.
Әділ Әубекеров 1991 жылы Астраханьда дүниеге келген этникалық қазақ. Ол қазір Мәскеуде тұрып, шығармашылығымен айналысуда.
Суретші Lamborghini Moscow, United Colors of Benetton cияқты әлемдік брендтермен ынтымақтастық жұмыс жасаған. Қазақстандық суретшінің жұмыстары жеке және мемлекеттік коллекцияларда, соның ішінде Сколково қорында бар.