Қуандық Ескелді (Esko) және Самат Қазмағамбетовтен (Tiko) тұратын EQ дуэті ресми түрде тарап кетті. Бұл туралы әншілер Gakku арнасына берген сұхбатында хабарлады.
Сұхбатта олар бұл шешімге жарты жыл бойы ойланғанын айтты.
“Көптеген факторлар бар. Продюсер, директор, ұжыммен ақылдаса келе осындай шешімге келдік. Бұл алдағы жасалады деген жұмыстарға бір қадам”, — деді Esko.
Үш жыл бұрын құрылған ұжым тарар алдында жанкүйерлеріне арнап жаңа ән тарту етпекші.
Айта кетсек, Q-pop бағытында ән айтатын EQ дуэті 2018 жылы 18 шілдеде “Darumen” әнімен дебют жасады. Топ Динара Усенова продюсерлік ететін Dara Entertainment атты продюсерлік орталықта құрылған. Қазір Tiko толығымен Tiktok-қа кетіп, жақында QOP House мүшесі атанды.