Алматыда 1990-2005 жылдар аралығында ұйымдастырылған танымал “Азия дауысы” музыкалық байқауының режиссері Александр Пономарев 69 жасында коронавирустан қайтыс болды. Бұл туралы “Хабар” агенттігінің музыкалық продюсері Татьяна Лаврик Instagram парақшасында хабарлады.
“Бүгін аты аңызға айналған “Азия дауысы” фестивалінің екінші негізін қалаушы, талантты режиссер, ұстазым Александр Сергеевич Пономарев та өмірден озды… Ол ковидпен ұзақ уақыт күрескен, бірақ жүрек бұл күреске төтеп бере алмады. Мәңгі есіміздесіз, Александр Сергеевич”, — деп жазды Татьяна Лаврик.
Былтыр «Азия дауысының» бас продюсері, негізін салушылардың бірі Мұрат Ирғалиев те коронавирус салдарынан қайтыс болған еді.