Қазақстандық BIP House тиктокерлер үйі Nickelodeon арнасында өткен Кids’ Choice Awards байқауында “Ресей көрермендерінің үздік блогерлер үйі” номинациясын жеңіп алды. Бұл қуанышты жаңалығын ұжым instagram парақшасында бөлісті.
Посмотреть эту публикацию в Instagram
BIP House Nickelodeon арнасының KCA 2021 жүлдесіне үміткерлер тізімінде екені ақпанда белгілі болды. Жас тиктокерлер оқырмандарын дауыс беруге шақырған болатын.
Атап өтсек, BIP house — Қазақстанда ең алғаш құрылған әрі ең танымал TikTok house. Шығармашылық топ 2020 жылғы шілдеде құрылып, бір күнде аккаунтына бірден 100 мың адам жазылды. Қазір оларға 12,5 млн адам жазылған және ТМД елдеріндегі фоллоуер саны бойынша бірінші орында тұр.
Кids’ Choice Awards — бұл жыл сайын Nickelodeon кабельдік теледидар арнасы ұсынатын түрлі саладағы үздіктерді анықтау сыйлығы. 1988 жылдан бастап Nickelodeon арнасы көрермендердің дауыс беру нәтижелері бойынша үздіктерді марапаттайды. Жеңімпаздар дирижабль түріндегі қызғылт сары мүсіншені алады. Биыл марапаттау рәсімі онлайн форматта өтті.