“Украина дауысы” танымал жобасына қатысып жатқан қазақстандық Диляра Дидарқызы келесі кезеңге өтті. Екінші кезеңдегі Диляраның өнер көрсетуі Голос країни Youtube арнасына жарияланды.
Диляра Дидарқызы екінші кезеңде жоба ережесі бойынша қарсыласы украиналық әнші Ярина Малышнякпен бірге W. Houston және Mariah Carey-дің «When you believe» әнін орындады. Нәтижесінде қазылар алқасындағы тәлімгері Олег Винниктің таңдауы қазақстандық әншіге түсті.
Айта кетсек, Диляра Дидарқызы іріктеу кезеңінде соңғы болып өнер көрсетіп, Олег Винниктің командасына мүше болды. Кейбір тәлімгерлер Диляраны өз құрамына алғысы келіп, бірақ құрама толып кеткенін айтып, өкінішін жасырмады.