Алматыда Құлжа тас жолында алғашқы экологиялық бекет жұмыс істей бастады, деп хабарлады қала әкімі Бақытжан Сағынтаев instagram парақшасында. Экобекетте бензин, газ және дизельді отынмен жүретін көліктердегі газдың түтіні тексеріледі.
Бақытжан Сағынтаевтың хабарлауынша, қалаға кіре берісте барлығы 19 экопост жұмыс істемекі. Тестілік режимдегі тексеру кезінде түтіні нормадан асатын шамамен 5 мың жеңіл және 1 мыңнан астам жүк көлігі анықталған.
“Жақында газ талдағышы мен түтін өлшегіші бар жылжымалы экопатрульдерді іске қосамыз. Сондай-ақ барлық эко-бекеттерде ауа сапасын өлшеп, оның дерегін онлайн-карта мен LЕD-дисплейде көрсететін стансалар орнатылады. Бұл — қала экологиясын сауықтырып, атмосфераны ластайтын автокөліктердің үлесін азайтуға бағытталған”, — деп жазды Алматы қаласының әкімі.