“Грэмми” жүлдесінің иегері Иманбек Зейкеновтың жеңісі жайлы әлемдік БАҚ өкілдері жарыса жазуда. Energy радиосына берген сұхбатында музыкант туып-өскен өлкесіне оралғанда бірінші кезекте не істейтіні туралы айтты.
“Жақында өз еліме — Ақсуға ораламын. “Cоғым сою” деген дәстүр бар. Үйге барғанда соны жасап, туыстарымды, жақындарымды жинап, жылқы сойып, қуырдақ жасаймын. Қуанышымды атап өтеміз”, — деді Иманбек.
Еске сала кетсек, Иманбек Павлодар обылысындағы Ақсу ауданында теміржол желісінде жұмыс істеген. Әлемдік деңгейдегі жеңісінен алған әсері жайлы ол: “ Әлі сене алмай жүрмін. Ерекше қызық сезімдемін.Барлығы табан астында болды. Марапаттау уақыты бір уақытқа белгіленген еді. Кейін екі сағатқа алға жылжығанын білдік Содан кеңсеге келіп, камераны қосып, нәтижесін күттік. Жақындарымнан мені бірінші болып қызым құттықтады. Сосын өзім анама хабарластым”, — деді.
Сұхбаттан кейін Иманбекті әлемнің түкпір-түкпіріндегі тыңдармандары құттықтап, сәттілік тіледі.