Instagram-да бұдан былай ересектер 18 жасқа толмаған балалармен хат алмаса алмайды, деп хабарлайды әлеуметтік желінің ресми блогында. Бұл шектеулер балаларды қорғау мақсатында жасалған.
Енді Instagram әлжелісінің ересек қолданушылар баламен өзара бір-біріне жазылған жағдайда ғана диалог бастай алады. Бір бірінің фоллоуері болмаған жағдайда баламен хат алмасуға тыйым салынғаны туралы хабарлама пайда болады.
Әлеуметтік желіге кіру 13 жасқа толмаған балалар үшін ресми түрде жабық болғанына қарамастан, іс жүзінде қолданушының жасын тексеру қиын. Сондықтан компания жасанды интеллект көмегімен қолданушының жасын анықтау технологиясын жасауды жоспарлап отыр.