“Грэмми”(Grammy) иегері қазақстандық Иманбек Зейкенов ресейлік “Кешкі Ургант” (Вечерний Ургант) танымал шоуында қонақ болды. Бағдарламада жас музыкант жетістігінен кейін қандай сезімде болғанын, жеңісімен кімдер құттықтағанын айтты.
Жүргізуші Иван Ургант бағдарлама басында былтыр 25 қарашада Иманбекпен сөйлескен архив видеоны көрсетті. Кішігірім сұхбатта “Грэмми” сыйлығына алғаш ұсынылғанда Иманбек қарсыластарының туындысын тыңдап көріп, жеңіске жететіне жүз пайыз сенімді екенін айтқан. Айтқандай-ақ, 15 наурыз Иманбек Зейкенов “Грэмми” сыйлығын алған алғашқы қазақстандық атанды.
Айта кетсек, Қасым-Жомарт Тоқаевтың бас хатшысы Берік Уәли Иманбекті президент атынан жеңісімен құттыған еді. Жас музыкант instagram-нан президент құттықтағанын оқып, таң қалғанын жасырмады.
Бағдарлама барысында Иманбек “Roses” туындысының авторы америкалық рэпер Saint JHN да жеке құттықтағанын айтты.