Қазақстанның ауыр атлетика федерациясы 2021 жылғы Азия чемпионатына ел намысын қорғауға баратын спортшылар тізімін жариялады.
17-25 сәуір аралығында Ташкент қаласында ауыр атлетикадан Азия чемпионаты өтеді. Бұл турнир лицензияланған болып табылғандықтан алдағы Олимпиада ойындарына қажетті рейтингтік ұпайларды жинауға мүмкіндік береді.
Чемпионатта Қазақстан атынан 17 ауыр атлетші қатысады.
- Аблай Әуелханов (55 кг)
- Арли Чонтей (55 кг)
- Игорь Сон (61 кг)
- Алексей Дроздов (61 кг)
- Сайрамкез Ақмолда (67 кг)
- Александр Уваров (81 кг)
- Нұрғиса Әділетұлы (89 кг)
- Артем Антропов (102 кг)
- Рахат Бекболат (102 кг)
- Ибрагим Берсанов (109 кг)
- Зульфия Чиншанло (55 кг)
- Гүлнұр Ыбрай (64 кг)
- Екатерина Быкова (71 кг)
- Аиша Омарова (71 кг)
- Карина Кузганбаева (81 кг)
- Раушан Мешітханова (87 кг)
- Айзада Муптілда (87+ кг)
ҚР ҰҚК бас бапкері Бақыт Ахметовтың сөзінше, Азия чемпионатына қатысатын спортшылар арасында халықаралық жарыстарда өнер көрсету тәжірибесі барлар да бірінші рет қатысқалы жатқандар да бар.
“Балалар байсалды, өздерінің ең жақсы нәтижелерін көрсетуге тырысады, бірақ біздің мақсатымыз – 2021 Олимпиадасына лицензия алу екенін ұмытпаған жөн.
Токиоға жолдама алуға негізгі үміткерлер-әйелдер арасынан Зульфия Чиншанло мен Раушан Мешитханова, ерлер арасынан Ибрагим Берсанов пен Игорь Сон. Маусым айында біліктілік кезеңі аяқталғаннан кейін, кімнің баратынын білеміз”, — деді Бақыт Ахметов.