Барби шығаратын Mattel компаниясы алғаш рет ғарышкер әйел бейнесінде қуыршақ жасады. Оның прототипі Роскосмостың ғарышкерлер қатарындағы жалғыз әйел Анна Кикина болды, деп хабарлайды Aфиша Daily.
Жаңа қуыршақ екі нұсқада шықты: көк ұшу костюмінде және ғарышқа шығуға арналған ақшыл костюмде жасалды. Алайда, Mattel компаниясы жаңа ғарышкер Барби сатылымға шықпайтынын мәлімдеді.
Кикина бұл қуыршақтар “Әркімнің ғарышкер болуға мүмкіндігі бар екенін көрсетеді” деп атап өтті “мұндай Барбимен ойнаған әр қыздың ғарышкер болуы міндетті емес. Ең бастысы, оларда әрдайым таңдау бар, өздеріне ұнайтын кез келген мамандықты таңдауға құқылы екенін түсіну керек», — деді ғарышкер.
Айта кетсек, қуыршақ прототипі болған алғашқы ғарышкер әйел — Валентина Терешкова. 1963 жылы ол орбитаға ұшып, ғарышқа аттанған әлемдегі алғашқы әйел атанған.