Алматыда Kinopark & Kinoplexx Theatres компаниясының “Менің үлкен қазақы отбасым” атты екінші толықметражды фильмінің түсірілімі басталды, деп хабарлайды brod.kz.
Комедия көрерменге ата-ана мен бала арасындағы отбасылық қарым-қатынас туралы баяндайды. Басты кейіпкерлер саны — 13. Оны танымал отандық актерлер сомдайды. Арасында әнші Бүркіт те бар.
Картинаның режиссері Америкадағы New York Film Academy түлегі Ален Ниязбеков. Сценарийді Нұржан Еркінұлы, Нұрмахан Мұқанұлы және Медет Қалибеков жазған. Фильмнің тағы бір продюсері — Әсел Сәдуақасова. Сондай-ақ, Әсел фильмде негізгі рөлдердің бірін ойнайды.
Фильмнің түсірілімі 22 күнге созылмақ. Алдын ала жоспар бойынша “Менің үлкен қазақы отбасым» отандық комедиясы осы жазда көрерменге жол тартады.
Айта кетсек, екі апта бұрын Kinopark өзінің алғашқы картинасы «Дударай» атты фильмі түсірілімін бастады.