Танымал эстрада жұлдызы Меруерт Түсіпбаева Аяжан Еділованың өлімінен кейін қыздар қауымына үндеу жолдады. Жан түршігелік жағдайға байланысты пікірін білдірген жұлдыз қыздарға жұмыс бабымен болсын, ешкімнің үйіне бармауды өтінді.
Еске сала кетсек, Аяжан Еділованы әлеуметтік желіде танысқан жігіті Алматы қаласындағы жалдамалы пәтерде асқан қатыгездікпен өлтірген болатын. Мерт болған қыздың туыстары Аяжанның пәтерге жұмыс бабымен барғанын айтқан. Осы оқиғаға байланысты Меруерт Түсіпбаева Instagram желісінде:
“Қыздар-ау. Бәріміз бақытты болғымыз келеді. Бірақ, абай болыңыздаршы! Жүз рет ойланыңыздаршы еркектің үйіне кірер кезде. Мейлі, жұмыс бабымен болса да. Заман — жаман, заман — жылан”, — деді.