Q-pop бағытында өнер көрсетіп жүрген Madmen бойзбендінің мүшелері Рахат Масақбай (Ram) мен Ерасыл Әбдралиев (Young) топтан кетті. Бұл туралы топтың instagram парақшасында өткен тікелей эфирде мәлім болды.
«Менің кетуімнің себебі, біріншіден, дініме байланысты. Екіншіден, мен болашақта өзімді әнші ретінде көрмейтінімді түсіндім. Осы үшін топта қала алмаймын. Өз жоспарым, жеке өмірім бар. Мені кешіріңіздер. Мен бұл студияға, жігіттерге, продюсерге көп нәрсені үйреткені үшін алғыс айтқым келеді”, — деді Young.
Ал Ram топтағы жігіттермен жақсы қарым-қатынаста қала беретінін айтты. Сондай-ақ, топтан кетуіне не себеп болғанын да атап өтті.
“Дәл қазір Q-pop-тан болашақ көріп тұрған жоқпын. Сол себепті кетемін”, — деді ол.
Madmen тобының көшбасшысы Aron топтың тарайтыны туралы көпшілік болжап жүрген ақпаратты жоққа шығарды.Алдағы уақытта жаңа форматтағы жаңа қатысушыларды таныстыратынын атап өтті.
Madmen — 2017 жылы құрылған отандық бойзбенд. Топ құрамында 5 әнші болған. Ерекшелігі — топ түрлі этнос өкілдерінен құралған. Продюсерлік орталығы – MM Entertainment компаниясы. Осы уақытқа дейін 10 шақты туынды шығарып үлгерді.
Посмотреть эту публикацию в Instagram