30 жастағы қазақстандық Дана Қабылтаева Оңтүстік Кореядағы халықаралық модельдер байқауында ең әдемі әрі ақылды ару атанды, деп хабарлайды “Хабар 24”.
Биыл коронавирус пандемиясына байланысты байқауға өзге елдерден модельдер қатыса алмаған. Сондықтан, байқауға Кореяда тұрып жатқан шетелдік арулар іріктелген. Қазылар алқасы Дананың сұлулығымен қатар оның ән шырқауы мен кәріс тілінен білім деңгейіне тәнті болған.
Оңтүстік Кореядағы “Хабар 24” тілшісінің айтуынша, Дана Қабылтаева Кореяға төрт жыл бұрын студенттерді алмастырып оқыту бағдарламасы бойынша келген. Осында болашақ жұбайымен танысып, 10 ай бұрын ана атанған екен. Қазір Кореяда ағылшын тілінен сабақ береді.