Театрдың 20 жыл мерейтойына орай АРТиШОКтың актерлік құрамы Youtube арнасында Кіші және Үлкен сахналарына виртуал экскурсия жасады.
Экскурсияда театр тарихы, спектакльдері және 20 жылдық тарихында театрда болған керемет оқиғалар жайлы айтылады.
“Кішкентай Үлкен” (Маленький БОЛЬШОЙ) деп аталатын виртуал экскурсия 48 минутқа созылады. Туындыны тегін тамашалауға болады.
Десе де, карантинде қиын қаржылық жағдайда қалған тәуелсіз театрды қолдауға болады.
Kaspi қосымшасында виртуал экскурсияны қолдауға арналған «ARTиШОК театры» батырмасы пайда болды. Сол арқылы театрға кез келген соманы жіберіп, көмектесе аласыз.