Елтаңба авторы, сәулетші Шот-Аман Уәлиханов 89 жасқа қараған шағында дүниеден өтті. Бұл туралы ҚР Мәдениет және спорт министрі Ақбота Райымқұлова хабарлап, отбасы мен туыстарына көңіл айтты.
“Қазақстан Республикасы Мəдениет жəне спорт министрлігінің атынан көрнекті сәулетші, профессор, Қазақстанның еңбек сіңірген қайраткері, «Құрмет», «Парасат», «Отан», «Даңқ» орденінің иегері, Қазақстан Республикасы мемлекеттік Елтаңбасының авторы, Тəуелсіз «Тарлан» сыйлығының лауреаты, ҚР сəулетшілер, дизайнерлер, жазушылар суретшілер одағының мүшесі, бүкіләлемдік Шыңғыс хан академиясының, Шығыс елдері Халықаралық сәулет академиясының, халықаралық сəулет академиясының академигі (Ресей Федерациясы) Шот-Аман Ыдырысұлы Уәлихановтың қайтыс болуына байланысты отбасы мен жақындарының қайғысына ортақтасып, көңіл айтамын”, — деп жазды министр instagram парақшасында.
Шот-Аман Ыдырысұлы Уәлихан (Шота Уәлиханов) 1932 жылы 26 сәуірде Солтүстік Қазақстан облысы Айыртау ауданы Сырымбет ауылында дүниеге келді. Қазақ КСР-інің еңбек сіңірген сәулетшісі, Шығыс елдері Халықаралық сәулетші академиясының академигі атанған.
Посмотреть эту публикацию в Instagram