Қазақстандық боксшы Тұрсынбай Құлахметтің (3-0, 2 КО) кәсіпқой рингтегі үшінші жекпе-жегі үшін гонорары белгілі болды. Бұл кездесуде Құлахмет 72 секунд ішінде венесуэлалық балуан Хебер Рондонды (20-1, 13 КО) нокаутқа түсірді, деп хабарлайды Vesti.kz.
Аралас жекпе-жек бойынша қазақстандық сарапшы Айдар Махметов telegram каналында бұл жекпе-жек үшін Құлахмет 210 мың доллар тапқанын жазды.
Осы жеңістің арқасында Құлахмет орта салмақтағы BoxRec рейтиңінде 48-ші сатыға көтерілді.
Ал Құлахметтің қарсыласы Рондон үшін бұл алғашқы жеңіліс екен. Спортшының мансабында 20 жеңіс бар.
Тұрсынбай Құлахмет Дубайдағы (БАӘ) бокс кешінде де жекпе-жекке түскен. Ол, сондай-ақ, 2019 жылғы Азия чемпионы болса, 2019 жылғы әлем чемпионатының қола жүлдегері.
