Madmen бойзбендінің құрамынан кеткен Рахат Масақбай мен Ерасыл Әбдралиевтің орнына жаңа вокалистер келді. Madmen тобы жаңа қатысушыларын жеке-жеке instagram парақшасында таныстырды.
Енді топ құрамында Mark лақап атымен өнер көрсететін Алихан Ашен мен M лақап атымен шыққан Мадияр Ахметқали бар. Екеуінің де жасы — 21-де.
Алихан Ашен — Шымкент қаласының тумасы. Бұған дейін Q-pop бағытындағы Sevenlight тобында өнер көрсеткен. Жақында әнші жеке шығармашылығын қолға алып, жаңа әнін шығарған болатын.
Мадияр Ахметқали Қызылорда облысы, Қармақшы ауданынан шыққан. Primerqpop instagram парақшасының хабарлауынша, бұрын Мадияр Madmen студиясында би үйретумен айналысқан, компанияның стажері болған.
Құрамына жаңа қатысушылар келген Madmen жаңаруды көздейтінге ұқсайды: топтың instagram парақшасындағы бұған дейінгі посттары түгел өшірілген екен.
Посмотреть эту публикацию в Instagram