Қазақстанның халық жазушысы “Тағдыр”, “Соңғы көш” танымал романдардың авторы Қабдеш Жұмаділов 85 жасқа қараған шағында дүниеден озды.
Қабдеш Жұмаділов 1936 жылы 24 сәуірде Шыңжаң өлкесінің Тарбағатай аймағы, Малдыбай ауылында дүниеге келген. Қазақ мемлекеттік университетінің филология факультетіне оқыған.
1965–1967 жылдар аралығында «Қазақ әдебиеті» газетінде,
1967-1976 жылдары «Жазушы» баспасында,
1976-1981 жылдары Мемлекеттік баспалар комитетінде жауапты қызметтер атқарды.
1981 жылдан бері шығармашылығымен айналысқан.
Қабдеш Жұмаділовтің “Тағдыр”, “Соңғы көш”, “Шарайна”, “Бақыт жолында”, “Дарабоз”романдары мен “Жас дәурен” өлеңдер жинағы, “Қаздар қайтып барады” әңгімелер жинағы сияқты құнды шығармалары көпке танымал.