Сажол лақап атымен танымал блогер Сымбат Касимова жақында instagram парақшасында жары Бахтияр Нұртазамен жанжалдасып, үйден кетіп қалғанын көрсеткен болатын. Блогер бұл туралы көбі қате пікірде екенін айтып, үйден кетіп қалу себебін түсіндірді.
Алғаш жариялаған видеода оқырмандары блогерге қол көтерген күйеуі емес, жанындағы қызыл киімдегі адам екенін байқаған. Оны көбі “қайын атасы” деп тұжырымдаған. Алайда блогер қол көтерген қайын атасы да, күйеуі де емес, қайын ағасы екенін мәлім етті.
“Сол күні жағдай мынандай болды: Сол кісі үйге қонаққа келді. Әдейі істеді ме, білмеймін, келіп алып маған әртүрлі нәрсе айтып, балағаттады. “Сен қатын емессің. Істеп жүрген тірлігің не? Бахтиярды ұятқа қалдырып жүрсің” деген сияқты жаман нәрселер айтты. Сондай-ақ, “Гив ойнатасыңдар, туысқандарға берсеңдерші, мені ұтқызсаңдаршы, маған ақша керек” деді. Мен шыдамай сөз қайтардым. Бахтияр түк демей отыр. Мені қатты жанымды ауыртқаны осы нәрсе. Оның шаңырағына бөтен еркек, жарайды туысқан ағасы келіп тұр. Оның бала туып берген әйеліне біреу келіп, оның көзінше балағаттап, қол көтеріп жатыр. Ол түк деп тұрған жоқ. Мен оған “сөйлесеңші, мені қорғасайшы” десем. Ол “менің ағам” деген сияқты ақылға қонымсыз сөздер айтып жатыр. Сіздер түсінгендей, ағасы мені ұрды, бір емес, екі рет. Мен Бахтиярға жылап “Бірдеңе десейші, қуып жібер үйден” десем, маған “Өзің кінәлісің, ауызыңды жап” деген сияқты әңгімелер айтты… Мені қорғай алмайтын, мені біреуге ұрғызып қоятын еркек маған керек емес”, — деп түсіндірді Сымбат Касимова instagram stories-те бөліскен видеода.
Сымбаттың stories-тегі видеосын azil_vinee парақшасы жариялады.
Бұл жағдайға байланысты блогер Бахтияр Нұртаза әлі еш пікір білдірмеді, тек instagram парақшасында қызын сағынғанын жазды.
Посмотреть эту публикацию в Instagram