«Qazaqstan» РТРК мен Түркияның «TRT» мемлекеттік телерадиокомпаниясы арасында «Қорқыт ата» бірлескен телевизиялық жобасын жасау жайында келіссөз басталды. Бұл туралы Ақпарат және қоғамдық даму министрі Аида Балаева мен түркиялық «ТРТ» телерадиокомпаниясының басқарма төрағасы Ибрахим Ереннің кездесуі кезінде талқыланған.
Сондай-ақ, кездесу барысында Қожа Ахмет Яссауи туралы түрік телехикаясы Қазақстанда көрсетілетіні белгілі болды.
Жаңа туындының түсірілімі жақында ғана аяқталған. Аида Балаеваның сөзінше, сериал көрерменге сәуірде жол тартады.