«Шерлок» сериалының жұлдызы, британиялық актер Бенедикт Камбербэтч АҚШ президенті Джо Байденнен Гуантанамо шығанағындағы түрмені жабуды өтінбекші. Бұл туралы әртіс The Independent газетіне берген сұхбатында айтты.
Камбербэтчке бұл ой «Мавританиялық» фильмінің түсірілімі кезінде келген. Актер түрменің тарихын егжей-тегжейлі зерттегеннен кейін Америка Құрама Штаттарының басшысына осындай өтініш жасауды ұйғарған. «Байденмен түрмені жабу туралы сөйлесуге ниеттісіз бе?» деген сұраққа ол «Мен, тіпті, оған (президентке) жалынуға дайынмын», — деп жауап берді актер.
Гуантанамо-Бэй — 11 қыркүйектегі террорлық шабуылдардан кейін терроризмге күдіктілерді ұстау үшін құрылған Куба жағалауындағы әскери түрме. Мекеме басшылығына тұтқындарды азаптағаны үшін адам құқығын бұзды деп бірнеше рет айып тағылған.